darmyaan दरम्यान - मराठी त्रिवेणी: झुंजुमुंजु.. पहाट.. प्रभात.. सकाळ..

darmyaan दरम्यान - मराठी त्रिवेणी

त्रिवेणी हा कवितेचा नविन आकृतिबंध फक्त तीन ओळींचा आहे. पहिल्या दोन ओळींत गजलच्या कोणत्याही एखाद्या शेराप्रमाणेच अनुभवाची पूर्ण अभिव्यक्ती होते. मात्र त्या दोन ओळींना अलगद अजून एक ओळ येऊन मिळते. ही तिसरी ओळ जरा शेंडेफळासारखी खटयाळ आहे (-पण वाह्यात मात्र नाही). तिसऱ्या ओळीच्या येण्याने आधीच्या दोन ओळींतील अर्थाला एक नविनच परिमाण मिळते. आधीचा अर्थ बदलतो किंवा त्यात अजून काही अर्थांचे पदर येऊन मिसळतात. परंतु अर्थाचा अनर्थ मात्र होत नाही. त्रिवेणीविषयी अधिक जाणून घेण्यासाठी Prologue वाचावा.

Sunday, June 26, 2011

झुंजुमुंजु.. पहाट.. प्रभात.. सकाळ..

rrp

रात्रीचा समय सरूनी येत उष:काल

होई झुंजुमुंजु.. पहाट.. प्रभात.. सकाळ

ऊठा महाशय, आता तरी जागे व्हा!!

rrp

अंथरूण-पांघरूण दूर सारून,

उठावे आता झोप सारी झटकून!

(काढ सखे गळयातील तुझे चांदण्याचे हात!)

rrp

अलगद नीज यावी नयनी,

सहज भेट व्हावी स्वप्नी!

(पण, पहाटेच पडावीत स्वप्ने अशी!)

rrp

अर्धवट आहे झोप.. अधूरी आहेत स्वप्नं..

- सूर्य तर आला ठीक पहाटे-पहाटेच!

(झोपेतून उठव पण स्वप्नातून नको!)

rrp

- संदीप मसहूर

1 comment:

AnonymousJune 29, 2011 at 11:21 PM
Beautiful...!
ReplyDelete
Replies

Subscribe to: Post Comments (Atom)